Žorty (16.09.2010)
„Janko, pohladaj jónu, hač nan hižo spi!“ kaza mać hólcej.
Tón so nawróći a praji:
„Haj, maći, jenož jeho nós sej hišće wusnył njeje!”
Wučer w geografiji:
„Zwotkel přińdźe woda?“
Šuler:
„Zemja so tak spěšnje wjerći, zo so poći.“
Wučer:
„Hdy pisamy wulke pismiki?“
Šuler:
„Hdyž čłowjek špatnje widźi.“
„Nano, by mi pjeć eurow zaměnił?”
„Haj, na čo?“
„Snano na dźesać eurow…?“
W hosćencu na dwórnišću praša so hósć pinčnika:
„Čehodla maće tu stajnje tak małe porcije?“
„Zo njebychu hosćo ćah skomdźili …“
Susodka skorži susodce:
„Mój muž ma bórze narodniny, a njewěm, što mam jemu darić.“
„Dar jemu tola rjanu knihu.“
„Ach, wěš ty, wón wšak žno jednu ma.“
Je hodźina fyziki. Na planje steji tema magnetizm. Wučer praša so šulerjow:
„Što započina so z ,m’ a zběhnje wšo, štož wokoło leži?“
Toni so pokaza:
„Ja wěm: To je moja mać!“